Nurobod tumanida haftaning har dushanba kuni fuqarolar qabuli o‘tkazib kelinmoqda. 

Tuman hokimi M.Buranov rahbarligida bugun tashkil etilgan fuqarolar qabuli tuman hokimi o'rinbosarlari, korxona va tashkilot rahbarlari, tumanning turli hududlaridan kelgan fuqarolar ishtirokida bo‘lib o‘tdi.

Qabul davomida aholining turmush tarzini yaxshilash, mahallalarda mavjud ijtimoiy muammolarni hal etish, bandlik, ichimlik suvi, elektr energiyasi, gaz, ichki yo'llar, yer va uy-joy masalalari, shuningdek, ta’lim va sog‘liqni saqlash tizimiga oid murojaatlar tinglandi.

Tuman rahbari tomonidan murojaatlar tinglanib, mutasaddi tashkilot rahbarlariga topshiriq va vazifalar berildi.

Har bir murojaat bo'yicha chora-tadbirlar belgilanib, ijrosi nazoratga olindi.