Bugun Nurobod tumanidagi “Barkamol avlod” bolalar maktabida “Dolzarb 90 kunlik” tadbirlari doirasida navbatdagi tadbir tashkil etildi. Unda yoshlar bilan manzilli ishlash, ularning bo‘sh vaqtini mazmunli tashkil etish, iqtidorli o‘quvchilarni qo‘llab-quvvatlash, pedagoglar malakasini oshirish hamda maktab infratuzilmasini yanada yaxshilash kabi dolzarb masalalarga alohida e’tibor qaratildi.

Tadbir doirasida turli yo‘nalishlarda mahorat darslari, sport musobaqalari, ijodiy ko‘rik-tanlovlar o‘tkazildi.

Shuningdek, o‘quvchilarning qiziqishlariga mos to‘garaklar faoliyati kengaytirilib, ularni har tomonlama qo‘llab-quvvatlashga qaratilgan chora-tadbirlar belgilab olindi.

Mazkur tashabbuslar orqali tuman yoshlari uchun munosib sharoitlar yaratilmoqda hamda ularning har tomonlama barkamol avlod bo‘lib voyaga yetishlari uchun keng imkoniyatlar taqdim etilmoqda.