Bugun Nurobod tumani hokimi M.Buranov "og'ir" toifadagi yoshlar bilan uchrashuv o'tkazdi.

Unda yoshlarning muammolari, ularni ijtimoiy hayotga jalb etish, bandligini ta’minlash va jinoyatchilikning oldini olish masalalari muhokama qilindi.​

Uchrashuv davomida yoshlar o'zlarini qiynab kelayotgan masalalar yuzasidan tuman rahbariga murojaatlarini yo'llab, ijobiy yechimi yuzasidan tegishli tashkilot mas'ullariga topshiriq va vazifalar berildi.

Shuningdek, uchrashuvda yoshlarni ish bilan ta'minlash, kasb-hunarga o'qitish, bo'sh vaqtini mazmunli o'tkazish va sog‘lom turmush tarzini targ'ib qilish bo'yicha takliflar bildirildi.​

Tuman rahbari yoshlarni puxta bilim olishga, jamiyatda munosib o'rin egallashga chaqirdi va bu yo'lda hokimlik tomonidan kerakli amaliy yordamlar ko'rsatilishini ta’kidladi.​

Mazkur uchrashuv yoshlar bilan samarali muloqot o'rnatish, ularning muammolarini hal etish va ijtimoiy hayotga faol jalb etish yo'lida muhim qadam bo'ldi.