Nurobod tumanidagi 2-son Davlat maktabgacha ta’lim tashkilotida tarbiyachi-pedagoglar va kichkintoy tarbiyalanuvchilar ishtirokida yurtimiz Mustaqilligining 34 yilligi tantanali nishonlandi.

Bayram tadbiri davomida bolajonlarimizning sho‘x raqslari, milliy o‘yinlari hamda Vatan madhiga bag‘ishlangan kuy-qo‘shiqlari yig‘ilganlarga bayramona kayfiyat ulashdi. Ayniqsa, tarbiyalanuvchilarning milliy liboslarda sahnaga chiqishi, ularning qalbida vatanparvarlik, milliylik va o‘zligimizga sadoqat tuyg‘usi kuchayib borayotganidan dalolat berdi.

Tadbir jarayonida bolajonlarning samimiy chiqishlari barchaga g‘urur va iftixor bag‘ishladi. Haqiqatan ham, milliyligini asrab-avaylagan, o‘zligini unutmagan avlodning kelajagi buyuk bo‘ladi.

Mustaqillik bayrami munosabati bilan o‘tkazilgan ushbu tadbir yosh avlod qalbida Vatanga muhabbat va sadoqat tuyg‘usini yanada mustahkamladi.