“Қувноқлар ва зукколар” кўрик-танловининг туман босқичи бўлиб ўтди

Бугун Нуробод тумани марказидаги “Нуробод” маданият саройида умумтаълим мактаблари ўқувчилари ўртасида "Қувноқлар ва зукколар” кўрик-танловининг туман босқичи бўлиб ўтди. Унда ҳудудий босқичлар ғолиблари: 1-умумтаълим мактабининг “Let’s go”, 3-умумтаълим мактабининг “Рекорд”, 67-умумтаълим мактабининг “Спарта” жамоалари кўрик-танловнинг вилоят босқичида иштирок этиш учун ўзаро беллашишди.

Танлов якунида 1-умумтаълим мактабининг “Let’s go” жамоаси 3-ўринни, 67-умумтаълим мактабининг “Спарта” жамоаси 2-ўринни ва 3-умумтаълим мактабининг “Рекорд” жамоаси 1-ўрин ва “кўчма кубог”ни қўлга киритишди.

Ғолиб ва совриндорларга туман ҳокимлигининг диплом ва эсдалик совғалари топширилди.