Соғлиқни сақлаш вазири ўринбосари Элмира Баситханова Нуробод туманига борди

Бугун Соғлиқни сақлаш вазири ўринбосари Элмира Баситханова Нуробод туманидаги тиббиёт муассасаларида бўлиб, соҳада амалга оширилаётган ишлар, бирламчи тиббий санитария ёрдами кўрсатиш муассасалари фаолияти, оналик ва болаликни муҳофаза қилиш соҳасида амалга оширилаётган ишлар, электрон поликлиника тизимининг ишлаш жараёнлари билан яқиндан танишди.

Шунингдек, аҳоли хонадонларида бўлиб, соғлом турмуш тарзини кенг тадбиқ этиш бўйича тушунтириш ва тарғибот ишлари олиб борилди.