Жорий йилнинг 1-10 май кунлари “5 tashabbus_uyimizda” телеграм каналида “Рақснинг мўъжизакор жилоси” шиори остида республика танлови ўтказилди.
Ушбу танловнинг формати замонавий рақслардан иборат бўлиб, break danse, hip-hop, elektro shok ва nev style, popping house danse каби рақслар йўналиши таркибидан ташкил топган.
Танловга жами 1 200 га яқин видеороликлар келиб тушган бўлиб, шундан 83 та энг яхшилари омма эътиборига ҳавола этилди.
Танлов натижаларига кўра ўз чиқишлари билан ноанъанавий рақс намойиш қилган Нуробод туманидаги 2-мактабнинг 11-“А” синф ўқувчилари республика босқичида ғолибликни қўлга киритди.
Ғолиб ўқувчиларга Халқ таълими вазирлиги ҳамда вилоят халқ таълими бошқармасининг эсдалик совғалари топширилди.