Махсус имкониятлар
Ҳукумат қарори билан Якка тартибда уй-жой қуриш учун ер участкалари бериш ва ер участкаларига мерос қилиб қолдириладиган умрбод эгалик қилиш ҳуқуқини реализация қилиш тартиби тўғрисида низом тасдиқланган.
Низомга кўра, якка тартибда уй-жой қуриш учун ер участкаларини олиш “E-IJRO AUKSION”да электрон аукционлар ўтказиш йўли билан амалга оширилади.
Бугунги кунда Нуробод тумани Машъал маҳалласи ҳудудидан 110 та 0,04 гектарлик якка тартибда уй-жой қуриш учун ер участкалари ажратилган бўлиб, “Электрон онлайн-аукционларни ташкил этиш маркази”нинг www.e-auksion.uz веб-портали орқали электрон аукционда иштирок этишингиз мумкин.
Аукционда иштирок этишга буюртманомалар хабарнома жойлаштирилган кундан бошлаб веб-порталда автоматик тарзда бошланади ва якунланади.
Аукцион иш куни мобайнида соат 9:00 дан соат 18:00 гача ўтказилади.
Бошланғич нарх сифатида аукцион объектининг минимал қийматига тенг нарх белгиланади.
Аукцион қуйидаги ҳолатларда ўтказилмаган деб ҳисобланади:
- аукционда иштирок этиш учун иккитадан кам иштирокчи қўйилган бўлса;
- аукционнинг бирорта иштирокчиси ер участкасини аукцион жараёнида таклиф этилган нархда сотиб олиш истагини билдирмаган бўлса;
- аукцион ғолиби ва лотни сотиб олиш таклиф этилган охиридан олдинги ставкани қўйган иштирокчи унинг баҳосини белгиланган муддатда тўлиқ тўламаса.
Аукцион ғолиби аукцион якунланган кундан бошлаб беш иш кунидан кечиктирмай ер участкасининг пулини тўлаши керак.
Белгиланган муддатда пул тўланмаса аукцион натижаси бекор қилинади ҳамда ғолибдан кейин ер участкасининг нархи бўйича энг юқори ставкани қўйган аукцион иштирокчисига ер участкасини олиш ҳақида таклиф юборилади.
